Saturday, February 26, 2011

ನಾನೇನ ನೀಡಲಿ ಗೆಳೆಯಾ??

ಚಿತ್ರಕೃಪೆ: ಅಂತರ್ಜಾಲ

ಗೆಳೆಯಾ..

ನೀ ನೀಡಿದ ಮುತ್ತಿನ ಮಳೆಗೆ
ನಾ  ಏನ ನೀಡಲಿ ಕೊಡುಗೆ..?

ಬಾಳ ಬಂಡಿಯಲಿ ಜೊತೆಯಾದ ಸುಂದರ
 ಮನಸಿನ ಮಂದಿರಕೆ ನೀನಾದೆ ಸರದಾರ..


ಹರಿಸಿದೆ ಪ್ರೇಮದ ಮಹಾಪುರ
 ಪೋಣಿಸಿದೆ ಆಸೆಯ ನೂಪುರ..

ಹಾಲು ಜೇನಂಥ ಅನುಬಂಧವ ಬೆಸೆದೆ
  ಕನಸಿಗೆ ಕನಸ ಜೊತೆಯಲ್ಲೇ ಹೊಸೆದೆ..

ಕಣ್ಣಲ್ಲಿ ಕಣ್ಣಿಟ್ಟು ಹರಿಸಿದೆ ಒಲವ
  ಭಾವನೆಗಳ ಪೋಷಿಸಿದ ಚೆಲುವ..

ಜೀವನದ ಹಾದಿಗೆ ನೀ ಹಾಸಿದೆ ರತ್ನಗಂಬಳಿ
     ಹೇಳು ನಾನೇನ ನೀಡಲಿ ನಿನಗಾಗಿ ಬಳುವಳಿ..?