ಮಲ್ಲಿಗೆ...

ಹಸಿರು ಗಿಡದ ಬಿಳಿಯ ಮಲ್ಲಿಗೆ

ಅವಿತು ಕುಳಿತಿರುವೆ ಏತಕೆ? 

ಯಾರಾದರೂ ಕೊಯ್ಯುವರೆಂಬ ಭಯವೇ?

ಅಥವಾ ಕೊರೆಯುವ ಚಳಿಯೇ?

     ದುಂಡು ಮಲ್ಲಿಗೆ, ಸೂಜಿ ಮಲ್ಲಿಗೆ 

     ನಿನ್ನೊಳೆಷ್ಟು ವಿಧ...

     ಅವುಗಳ ಪರಿಮಳದಲ್ಲೂ 

     ಎಷ್ಟೊಂದು ಭೇದ..

ಮಲ್ಲಿಗೆ ಬಳ್ಳಿ ಮನೆಗೆ ಶೋಭೆ 

ಮಲ್ಲಿಗೆ ಜಡೆ ನಾರೀಮಣಿಗೆ ಶೋಭೆ 

ನಡುಗದಿರು ಗುಡುಗದಿರು ವ್ಯರ್ಥವಾಗುವೆನೆಂದು

ಮುಡಿಯುವರು ನಲಿಯುವರು ಹೆಂಗಳೆಯರು ಇಂದು..

    ನೀನಾಗುವೆ ದೇವರಿಗೆ ಅಲಂಕಾರ 

    ಮಧುಮಗಳಿಗೆ ನಿನ್ನಿಂದಲೇ ಶೃಂಗಾರ 

    ಆದರೂ ನಿನಗಿಲ್ಲ ಅಹಂಕಾರ 

    ಅದಕ್ಕೇ ನೀನು ಮಂಗಳಕರ...