ರಂಗವಲ್ಲಿ

ಚುಕ್ಕಿಯದುವೆ ಕೈಯ ತಪ್ಪಿ
ಹೆಚ್ಚುಕಡಿಮೆಯಾಗಿದೆ
ಎಳೆದ ಗೆರೆಯು ಮೇಲೆ ಹೋಗಿ
ರಂಗವಲ್ಲಿ ಕೆಟ್ಟಿದೆ..

ಗಾಳಿ ಬಿರ್ರನೆಂದು ಬೀಸಿ
ಪುಡಿಯು ಹಾರಿ ಹೋಗಿದೆ
ಬಣ್ಣ ಹಾಕುವಾಸೆಯು
ಮನದಿ ದೂರವಾಗಿದೆ..

ರಂಗವಲ್ಲಿ ಅಳಿಸಲಾರೆ
ಬೇರೆದೊಂದ ಹಾಕಲಾರೆ
ಮನವು ಕರಡಿ ಹೋಗಿದೆ
ಆಸೆ ಚಿರುಟಿ ಕರಟಿದೆ..

ಮಳೆಯು ಬಂದು ರಂಗವಲ್ಲಿ
ತಾನೆ ಅಳಿಸಿ ಹೋಗಲಿ
ನಾಳೆ ಬೇರೆ ಬಣ್ಣ ಬೆರೆಸಿ
ಹಾಕುವಾಗ ಖುಷಿಯ ನೀಡಲಿ..

ಮನವು ತಾನೆ ತಾನಾಗಿ
ಸಮಾಧಾನ ಹೊಂದಲಿ
ಹೊಸತು ಹುರುಪಿನಿಂದ
ದಿನವು ಶುಭವಾಗಲಿ ..