ಇದು ಬೇಕುಗಳ ಲೋಕ
ಸಾಕು ಎಂಬುದಿಲ್ಲಿ ಮರೀಚಿಕೆ
ಮಗುವಿಗೆ ಹೆತ್ತವರ ಮಮತೆ ಸಾಕೆನಿಸುವುದೆ?
ಆಟಿಗೆಯು ಹೆಚ್ಚಿದೆ ಎಂದು ಎಂದಾದರೂ ಅನಿಸುವುದೆ...?
ತಾಯಿಗೆ ಮಕ್ಕಳು ಉಂಡಿದ್ದು ಹೆಚ್ಚೆನಿಸಲುಂಟೆ?
ಹಾಗೆಯೇ ಗಂಡನ ಪ್ರೀತಿಯು!
ಬೆಳೆ ಬೆಳೆವ ರೈತರಿಗೆ ಫಸಲು ಸಾಕೆನಿಸುವುದೇ?
ಕೊಳ್ಳೆ ಹೊಡೆವ ಚೋರನಿಗೂ ಇನ್ನು ಬೇಕೆಂದೆನಿಸದೇ?
ಮಲೆನಾಡ ವೃದ್ಧರಿಗೆ ಈಗಿನ ಮಳೆ ಹೆಚ್ಚೆಂದೆನಿಸುವುದೆ?
ಹಾಗೆಯೇ ಲೋಕದ ನೀತಿಯು...
ಜಗದೊಳಗೆ ತನಗಿರುವ ಸಂಪತ್ತು ಸಾಕೆನ್ನುವರುಂಟೆ?
ರಾಜಕಾರಿಣಿಯು ಸೀಟೆನಗೆ ಬೇಡವೆನ್ನುವನೇ?
ಮನದೊಡತಿ ಯೊಡನಿರಲು ಸಮಯ ಸಾಕೆನಿಸುವುದುಂಟೇ
ಇದೇ ಪ್ರೀತಿಯ ರೀತಿಯು...
