ಧಿಕ್ಕಾರ ಹಂತಕರೆ...

ಮರೆಮಾಚಿ ಮೊಗವನ್ನು
ಏಕೆ ಕರೆದೊಯ್ಯುವಿರಿ
ತಿಳಿಯಲಿ ಜಗಕೆ ಇವರ ಬಣ್ಣ......

ಕಪ್ಪ ಮುಸುಕಿನಲಿ
ಮುಖವನ್ನು ಅಡಗಿಸಿ
ಕಾಣಿಸುವಿರೇಕೆ ಎರಡು ಕಣ್ಣ......

ಜನರ ನಡುವಲ್ಲೇ ಇದ್ದು
ರಕ್ತ ತರ್ಪಣವ ಗೈದು
ಮಾಡಿಹರು ನೆಮ್ಮದಿಯ ಮರೀಚಿಕೆ....

ಕಳೆಯಲಿ ಇಂತಹ ಕಳೆ
ತೊಲಗಲಿ ಅಶಾಂತಿಯ ಕೊಳೆ
ದೂಡಿರಿ ಇವರ ನರಕದಾಚೆಗೆ.....

ಜಾತಿಯ ಕಥೆಗಳು ಬೇಡ
ವಿದ್ಯಾವಂತರೆಂಬ ಬಿರುದು ಬೇಡ
ಹಂತಕರೆಂದರೆ ಹಂತಕರೇ.....

ಏರಿಸಿ ನೇಣಿಗೆ ಬಹಿರಂಗವಾಗಿ
ಹೋಗಲಿ ಉಗ್ರರು ನಾಶವಾಗಿ
ಯೋಚಿಸಿ ಒಮ್ಮೆ ಚಿಂತಕರೆ...